U . A . E သမိုင်း နှင့် Dubai အကြောင်း ၁

U.A.E ( United Arab Emirates )
ယူအေအီး နိုင်ငံဆိုသည်မှာ အာရပ်စော်ဘွားများ ၏ ဒေသများ ကို စုပေါင်းထားသော နိုင် ငံ
(အာရပ်စော်ဘွားများ ပြည်ထောင်စု) ကို ခေါ်ပါသည်။ Arabian Peninsula ၏ အရှေ့တောင်ဖက် တွင်တည်ရှိပါသည်။ နိုင် ငံ အကျယ် အ၀န်း မှာ 83,000 sqkm
( 32,278 sqmi) ရှိပါသည်။
ပေါင်းစုထားသော စော်ဘွားဒေသများ မှာ ၇ (ခုနစ်) ခုရှိပါသည်။ ၄င်းတို့မှာ ..

1. Abu Dhabi

2. Dubai

3. Sharjah

4. Ajman

5. Umm Al Quiwain

6. Ras Al Khaimah

7. Fujairah

တို့ဖြစ်ကြပါသည်။ အဘူဒါဘီ ( Abu dhabi ) သည် မြို့တော်ဖြစ်ပြီး အကြီး ဆုံးမြို့ လည်း ဖြစ်ပါသည်။


Dubai ၏ အဓိပ္ပါယ် အမျိုးမျိုးရှိပါသည်။ အချို့က ဒူဘိုင်းဆိုသည်မှာ Combination of Two Brother လို့ Farsi စကား နဲ့ အဓိပ္ပါယ်ရသည် ဟု ဆိုကြသည်။ Two Brothers ဆိုသည်မှာ Deira နှင့် Bur Dubai ဟု အဆိုရှိပါသည်။ အချိ့ ကတော့ ဈေးနာမည် Daba ဆိုသည်မှ တဖြည်းဖြည်း ပြောင်းလဲလာသည့် နာမည် ဖြစ်သည်ဟု ဆိုပါသည်။ Saudi Arbia နိုင်ငံ ရှိ Riyadh နှင့် Ad Dammam ကြားတွင်လည်း Dubai ဟုခေါ်တွင်သော နေရာ တခု ရှိပါသေးသည်။

1833 - 1958
၁၈ ရာစု အချိန်ထိ Dubai ဆိုသည်မှာ တံငါလုပ်ငန်း လုပ်သော ရွာကလေးမျှသာဖြစ်လေသည်။ ဒူဘိုင်း ကိုဦးဆောင်သော ရွာသူကြီးမှာ Bani Yas အမည်ရှိ ပုဂ္ဂိုလ်ဖြစ်လေသည်။

1833 တွင် Al Bu Falash နှင့် အပေါင်းအပါနောက်လိုက်များ Abu Dhabi မှခွဲထွက်ချိန် တွင် Al Maktoum မိသားစု သည် အဆိုပါတံငါရွာလေး တွင် စတင် အခြေချ ၍ ဦးဆောင်မှူ ပေး ခဲ့လေသည်။

Sheikh Maktoum bin Buti သည် ငယ်ရွယ်သော်လည်း ရွာကလေး အား ကောင်းစွာ ခေါင်းဆောင်မှူ ပေးနိုင်ခဲ့လေသည်။ လူဦးရေတိုးပွားလာသည်နှင့် အမျှ တံငါရွာကလေး အဆင့်မှ ကုန်သည်များ ရောင်းဝယ် ဖောက်ကား ရာ အချက်အချာ ကျသော ဆိပ်ကမ်းမြို့ ကလေး ဖြစ်လာ ခဲ့ပါသည်။ လူဦးရေတိုးပွား လာသည်နှင့် အမျှ ခရိုင်မြို့ အဆင့်ထိ ဖြစ်လာခဲ့ပါသည်။ Deira သည် အဓိကနှင့် အကြီးဆုံး ကုန်းသွယ်ရေး ဌာန တစ်ခု ဖြစ်လာခဲ့ပါသည်။

မြည်းနှင့် ကုလားအုပ် များကို လမ်းပန်းဆက်သွယ်ရေး တွင် အသုံးပြုကြသည်။ Bur Dubai နှင့် Deira ကို ယနေ့ခေတ်မှာ ကဲ့သို့ ပင် လှေငယ်ကလေးများ နှင့် ကူးကြရသည်။ လှေငယ်ကလေးတွေကို Abra ဟုခေါ်ပါသည်။

လျှပ်စစ်မီးကို 1952 တွင် စတင် အသုံးပြုခဲ့သည်။ မီးပြောင်းများ ၊ မီးအိမ်များ ၊ (လျှပ်စစ်) ဖယောင်းတိုင်များ ကို Oman မှတင်သွင်းပါသည်။ အဓိက မှာ ထမင်းချက် ၊ ကောဖီဖျော် ... စသည့် နေရာများတွင် အများဆုံး အသုံးပြုလာကြပါသည်။
( ကျွန်တော် နေခဲ့တဲ့ ၄ နှစ်တာ ကာလ (၂၀၀၅-၂၀၀၉) တခါမှ မီးမပျက်ဖူးပါ ... ကွာပါ့ .)

သောက်သုံးရေအဖြစ် ရေချို ကို Dubai အနီး ရှိ ရေတွင်းများ မှ ရရှိပါသည်။

20 ရာစုရောက်လာတဲ့ အခါမှာ ဒူဘိုင်းဟာ အချက်အချာ ကျသော ဆိပ်ကမ်းမြို့ အဖြစ်ရောက်ရှိလာခဲ့ပါသည်။ ၁၉၃၀ ၀န်းကျင်တွင် ဒူဘိုင်းမြို့ ၏ လူဦးရေမှာ 20,000 (နှစ်သောင်းခန့် ရှိလာခဲ့ပါသည်)။

၁၉၅၀ ၀န်းကျင်တွင် ဒူဘိုင်းဆိပ်ကမ်း သို့ ဆိုက်ရောက်လာသော သင်္ဘော အရေအတွက် တနေ့တခြား တိုးလာသောကြောင့် Sheik Rashid bin Saeed Al Maktoum သည် ကုန်စည် ဖလှယ်ရေး အတွက် အရေးပါသော ဆိပ်ကမ်း တစ်ခု ဖြစ်အောင် ကြိုးစား ဆောင်ရွက် နိုင်ခဲ့ပါသည်။

၁၉၆၆ တွင် ရေနံကို စတင် တွေ့ရှိပြီးနောက်ပိုင်း Sheikh Rashid သည် ကျောင်းများ ၊ဆေးရုံများ ၊ အဆောက်အဦးများ ၊ လမ်း များ ၊ ခေတ်မီ ဆက်သွယ်ရေး ကွန်ယက်များ ကို စီမံကိန်းများ ချ၍ အဆက်မပြတ် တည်ဆောက်ခဲ့ပါသည်။ နိုင်ငံတကာ လေဆိပ် ကိုလည်း တိုးချဲ့ ခဲ့ပါသည်။ ကမ္ဘာပေါ်တွင် လူဖန်တီးသော (သဘာဝ မဟုတ်သော)အကြီးဆုံး ပင်လယ် ဆိပ်ကမ်း အဖြစ် Jebel Ali သင်္ဘော ဆိပ်ကမ်းကို တည်ဆောက်နိုင်ခဲ့ပါသည်။

၁၉၆၀ ၀န်းကျင်တွင် Abu Dhabi စော်ဘွား Sheikh Zayed bin Sultan Al Nahyan နှင့် Dubai စော်ဘွား Sheikh Rashid bin Saeed Al Maktoum တို့သည် အာရပ်စော်ဘွားများ ပြည်ထောင်စု ( United Arab Emirates ) ကို တည်ထောင်ရန်ကြိုးစားခဲ့ပါသည်။ နောက်ပိုင်းတွင် Abu Dhabi , Dubai, Sharjah , Ajman , Umm Al Quawanin နှင့် Fujairah စုစုပေါင်း မြို့ ၆ မြို့ ကို ပေါင်းစည်းနိုင်ခဲ့ပါသည်။ ၁၉၇၂ တွင် Ras Al Khaimah မြို့သည် လည်း UAE အတွင်းသို့ဝင်ရောက်လာပြီး စုစုပေါင်း မြို့ ၇ (ခုနစ်) မြို့ ဖြင့် UAE နိုင်ငံကို တည်ထောင်နိုင်ခဲ့ပါသည်။

ပထမဆုံး UAE နိုင်ငံ၏ President ဟောင်း Sheik Zayed ၏လက်ထက်တွင် UAE နိုင်ငံသည် ကမ္ဘာ့ အချမ်းသာဆုံး စာရင်းဝင်နိုင်ငံ အဖြစ် တိုးတက် လာခဲ့ပါသည်။

၂၀၀၇ ခုနှစ် စစ်တမ်း များ အရ ယူအေးအီး နိုင် ငံ ၏ လူဦးရေမှာ ၅.၆ သန်း ရှိပြီး အာရဗီ စကားမှာ နိုင်ငံသုံး စကားဖြစ်ပြီး အစ္စလမ် ဘာသာ မှာ နိုင်ငံတော် ဘာသာဖြစ်ပါသည်။ ( Razam ဥပုသ် လ တွင် နေ့ပိုင်း ဆိုင်များ ပိတ်၍ ညပိုင်း တွင်ဖွင့်ပါသည် ) ယူအေးအီး နိုင်ငံတွင် Diharm အမည်ရှိ ငွေကြေးကို သုံးစွဲပါသည်။ ငွေတန်ဖိုးမှာ အမေရိကန် ၁ ဒေါ်လာသည် Diharm 3.67 နှင့် ညီမျှပါသည်။
( Exchange တွေမှာ 3.8 နဲ့ပဲတွက်တာများပါတယ် )

UAE နိုင်ငံကို 1820 မှ စ၍ Trucial State (သို့) Trucial Coast အဖြစ်သုံးစွဲခဲ့ပါသည်။ 1971 ခုနှစ်တွင်မှ ဗြိတိန်နိုင်ငံ ဆုတ်ခွာသွားခဲ့ပါသည်။ ( ကိုလိုနီပါပဲ)နောက်ပိုင်းမှ သာ UAE ဟူ၍ ဖြစ်လာခဲ့ပါသည်။

UAE နိုင်ငံတွင် အာဏာ အရှိဆုံးမှာ Supreme Councial ဖြစ်ပြီး အထက်ဖော်ပြပါ မြို့ ၇ မြို့ မှာ သက်ဆိုင်ရာ စော်ဘွား ၇ ယောက်ပါဝင်သော အဖွဲ့ အစည်းဖြစ်ပါသည်။ Supreme Councial ၏ အဓိက တာဝန်မှာ နိုင်ငံနှင့်ပတ်သက်သော တရားဥပဒေ ထုတ်ပြန်ခြင်း ၊ President ရွေးချယ် တင်မြှောက်ခြင်း တို့ဖြစ်ပါသည်။ President သက်တမ်း မှာ တကြိမ်လျှင် ၅ နှစ် ဖြစ်ပါသည်။ သို့သော် အကြိမ် အရေအတွက် ကန့်သတ်ချက်မရှိပါ။

UAE နိုင်ငံ ၏ President အဖြစ် Sheik Zayed Bin Sultan Al Nahyan မှ တာဝန်စယူ ခဲ့ပြီး ၂၀၀၄ ခုနှစ် နှစ်ကုန်ပိုင်း တွင် ကွယ်လွန် သွားခဲ့ပါသည်။

ယခု လက်ရှိ President မှာ Sheik Khalifa Bin Zayed Al Nahyan ( Abu Dhabi စော်ဘွား) ဖြစ်ပြီး Prime Minister မှာ Sheik Mohammed Bin Rashid Al Maktoum ( Dubai စော်ဘွား ) ဖြစ်ပါသည်။

စော်ဘွားများ နေထိုင်ရာ ဒေသ ၇ ခု စလုံး တွင် သက်ဆိုင် ရာ ဒေသတွင်း အစိုးရ ရှိပါသည်။ ဒေသအချင်းချင်း နိုင်ငံရေး ၊ စီးပွားရေးများကို ပူးပေါင်းဆောင်ရွက်ကြပါသည်။

ရေနံမှာ အဓိက ထုတ်ကုန် ဖြစ်ပြီး Abu Dhabi မြို့မှ ဦးဆောင် ကာ လုပ်ကိုင်ပါသည်။ ယခုနှစ်များ အတွင်းတွင် UAE နိုင်ငံ ၏ ခရီးသွားလုပ်ငန်း မှာ များစွာတိုးတက်လာ ပါသည်။ ခရီသည်များ ကို အဆင့်မြင့် ဟိုတယ်ကြီးများ၊ အားကစား ပွဲများ၊ ကန္တာရ ဆောင်းဝင် ရာသီဥတု စသည်တို့ ဖြင့် ဆွဲဆောင် ပါသည်။


UAE နိုင်ငံ နှင့်ပတ်သက်သော သမိုင်း အကျဉ်းဖြစ်ပါသည်။ Dubai သမိုင်းနှင့် ပတ်သက်သော အကြောင်း ကို အပိုင်း ၂ အဖြစ် ရေးသားပေးပါမည်။
( ကျွန်တော် ရေးသော စာများ မှာ အစီစဉ်ကျချင်မှ ကျပါလိမ့်မည်။ ယူအေးအီး နိုင်ငံ နှင့် ပတ်သက်ပြီး လေ့လာလိုက် ရေးလိုက်လုပ် နေရသောကြောင့်ဖြစ်ပါသည်။ အားလုံးခြုံငုံ မိသောအခါ ဒူဘိုင်း နှင့်ပတ်သက်၍ ယူအေးအီးနှင့်ပတ်သက်၍ အနည်းငယ် စမ်းဝါး မိ ခဲ့လျှင်တောင် ကျွန်တော် အချိန်ကုန်ခံရကျိုးနပ်သည် ဟုခံယူပါသည်။ မပြည့်စုံသည်များ ကိုတွေ့ရှိပါက တတ်နိုင်သည့်ဖက်မှ ၀ိုင်းဝန်း ကူညီပေးကြပါရန် လေးစားစွာဖြင့် မေတ္တာရပ်ခံအပ်ပါသည် ခင်ဗျား ... )

လေးစားစွာဖြင့်
နေစိုးနိုင်